ARABIC | ARMENIAN | ENGLISH |
Thu 17 Mar 2016
Քրիստոնէականի Դասընթացքի փակում Սուրբ Փրկիչ Եկեղեցւոյ մէջ



Պուրճ Համուտի Հայ կաթողիկէ Սուրբ Փրկիչ Եկեղեցւոյ ժողովրդապետութեան կողմէ կազմակերպուած   «Քրիստոնէականի Հանդիպումներ»ը, զորս կը վարէր Հայր Վարդան վրդ. Գազանճեան, իրենց աւարտին հասան   15 Մարտ 2016, երեքշաբթի երեկոյեան 5-րդ  հանդիպումով, որ կեդրոնացաւ առաւելաբար ողորմութեան հոգեւոր եւ մարմնաւոր հրահանգներուն վրայ։

2016-ի Քառասնորդացին առթիւ կազմակերպուած եւ Ֆրանչիսկոս Սրբազան Քահանայապետի «ՈՂՈՐՄՈՒԹԵԱՆ ԴԷՄՔԸ» շրջաբերական նամակին վրայ հիմնուած այս հանդիպումները գործնականին մէջ հանդիսացան Քրիստոնէականի խտացուած դասընթացք մը, «Քրիստոնէական Կաթողիկէ Եկեղեցւոյ» հատորի բովանդակութեան հետեւողութեամբ։  Հանդիպումներուն վարիչ վարդապետը շօշափելի վկայակոչումներով ,   օրինակներով  ու   մատչելի բացատրութիւններով պարզեց Ողորմութեան Դէմքը, զոր կոչուած են ապրելու հաւատացեալները ամբողջ այս տարուան ընթացքին։ Հանդիպումները միաժամանակ հանդիսացան  անոնց հետեւող շուրջ յիսուն հաւատացեալներուն համար իրենց քրիստոնէական դաստիարակութիւնը խորացնելու  առիթներ։ Անոնք՝ հանդիպումներուն յաջողութեամբ պսակումին վկայութիւնը տուին իրենց գոհունակութիւնը արտայայտելով Քրիստոնէականի նոր դասընթացքներու  առիթներ ունենալու ակնկալութեամբ՝ մինչ կը համախմբուէին լուսանկարի գործիքի ոսպնեակին դիմաց, անմոռանալի դարձնելու համար առիթը։

Նշենք որ այս հանդիպումները կը սփռուին «Նուր Էլ Շարք» հեռատեսիլի կայանէն , ինչպէս նաեւ Հայ Կաթողիկէ You Tube կայանէն։

Կարելի է դիտել նաեւ youtube-ի Լոյս Զուարթ canal-էն, այս կապին միջոցաւ: https://www.youtube.com/channel/UCqVFh3RlzK8TrCxXpiZLmFQ

 
 
Ամենապատիւ Հոգեւոր Տէրը ընդունեց Քանատայի դեսպանը

Ամենապատիւ Հոգեւոր Տէրը ընդունեց Հայոց ցեղասպանութեան 100 ամեակի մարմինը

Պաշտօնական բացումը Ծէսին նուիրուած Տարուան

Հանդիսաւոր փակում հաւատքի տարուան եւ հռչակում ծիսական տարուան

Աշակերտական հաւաք Հայ Կաթողիկէ Պատրիարքարանի Նահատակաց Յուշակոթողին շուրջ

Տօն Սրբոյ Կուսին Աւետման Եկեղեցւոյ Անուանակոչութեան

Գրիգոր Պետրոս Ի. Կաթողիկոս Պատրիարքին Դատապարտագիրը

Հայաստանի Հանրապետութեան Նորանշանակ Դեսպանը այցելեց Հայ Կաթողիկէ Պատրիարքարան

 
Armenian Catholic Synod 2013
Ամենապատիւ Հոգեւոր Տիրոջ Հովուապետական առաջին այցելութիւնը Սուրբ Խաչ  եկեղեցւոյ ժողովրդապետութիւն
Show All Photo Galleries
 

© 2018

       
News Photo Gallery    
Downloadable Books Newsletter    
Downloadable Publishings Blog    
Recomended Links FAQ    
Eparchies Contact Us    
Videos About Us