ARABIC | ARMENIAN | ENGLISH |
Thu 25 Feb 2016
Դասախօսական Երեկոյ` Նուիրուած Տիեզերական Վարդապետ Ս. Գրիգոր Նարեկացիին



 

  

«Սուրբ Գրիգոր Նարեկացի» կեդրոնին եւ «Ազդակ»-ի համագործակցութեամբ երէկ` չորեքշաբթի, 24 փետրուար 2016-ի, երեկոյեան ժամը 8:00-ին, Հայ կաթողիկէ «Մեսրոպեան» բարձրագոյն վարժարանի «Ֆարաճեան» լսարանին մէջ տեղի ունեցաւ դասախօսական երեկոյ մը` նուիրուած տիեզերական վարդապետ Սուրբ Գրիգոր Նարեկացիին:

Բարի գալուստի խօսքով հանդէս եկաւ հայր Վարդան վրդ. Գազանճեան: Ան ողջունելէ ետք ներկաները հակիրճ տողերով ներկայացուց Սուրբ Գրիգոր Նարեկացիի տիեզերական 36-րդ վարդապետ հռչակման ընթացակարգը: Ան ըսաւ, թէ Հայոց ցեղասպանութեան 100-րդ տարելիցին սրբազան քահանայապետը անցեալ տարուան 12 ապրիլին մատուցած պատարագի ընթացքին լաւագոյն առիթ մը ստեղծեց աշխարհին ուշադրութիւնը հրաւիրելու` Սուրբ Գրիգոր Նարեկացին յայտարարելով վարդապետ Տիեզերական եկեղեցւոյՀայր Վարդան Գազանճեան անդրադարձաւ, թէ ինչպէ՛ս 1987-ին Յովհաննէս Պօղոս Բ. սրբազան քահանայապետը երկու տարբեր առիթներով իր շրջաբերականին եւ քարոզին մէջ մէջբերած է Սուրբ Գրիգոր Նարեկացիին խօսքերը, որմէ ետք 1988-ին երջանկայիշատակ Յովհաննէս Պետրոս ԺԸ. կաթողիկոս պատրիարքը խնդրած է քահանայապետէն, որ Սուրբ Գրիգոր Նարեկացին պաշտօնապէս յայտարարուի վարդապետ եկեղեցւոյ: Այս խնդրանքը փոխանցուած է Սուրբերու դատերու համաժողովին եւ Արեւելեան եկեղեցիներու համաժողովինԻր կարգին, Հայ կաթողիկէ եպիսկոպոսաց սիւնհոդոսը 2003-ին ձեռնարկած է նախապատրաստական աշխատանքներու: Կազմակերպուած են զոյգ գիտաժողովներ` Հռոմի (2005) եւ Լիբանանի մէջ (2009):

2010-էն մինչեւ 2014 տարբեր առիթներով միջամտած են Ներսէս Պետրոս ԺԹ. կաթողիկոս պատրիարքը, Ուքրանիոյ մէջ այժմու պապական նուիրակ Քլաուտիօ Կուճերոթթի: Միւս կողմէ, Լեւոն արք. Զէքիեան պատրաստած է 400 էջնոց թղթածրար մը, որ կը բացատրէ Սուրբ Գրիգոր Նարեկացիին վարդապետական հաւատքը: 17 դեկտեմբեր 2014-ին Հաւատքի դաւանութեան համաժողովի ընդհանուր նիստը կ՛որոշէ, թէ Սուրբ Գրիգոր Նարեկացիի մօտ կարելի է գտնել ուղղադաւան եւ իւրայատուկ վարդապետութիւն մը: Եւ վերջապէս անցեալ տարուան 12 ապրիլին սրբազան քահանայապետը պաշտօնապէս կը յայտարարէ Սուրբ Գրիգոր Նարեկացին վարդապետ տիեզերական եկեղեցւոյ:

Օրուան պատգամաբերն էր հայր Անտոն Ծ. Վ. Ադամեան: Ան իր խօսքին սկիզբը, խօսելով Նարեկացիի տաղանդին մասին, ըսաւ, թէ  Նարեկացին գագաթ մըն է հայ բանաստեղծութեան մէջ, պարծանք` հայ եկեղեցւոյ: Տիտան մը ոչ միայն հայ, այլեւ միջազգային գրականութեան չափանիշով եւ խորհրդապաշտական գրականութեան մեծագոյն արտայայտութիւնը հայութեան մօտՀայր Անտոն Ծ.Վ.Ադամեան նշեց, որ Նարեկացիի «Մատեան ողբերգութեան» աղօթագիրքը համամարդկային, հոգեբանական, իմաստասիրական պարունակութեամբ  խոր բանաստեղծութիւն մըն է, ուր Գրիգոր Նարեկացի կը ներկայանայ իբրեւ մեղապարտ մարդ` կանչուած իր եւ այլոց մեղքերուն  եւ անօրէնութիւններուն ներում հայցելու գերագոյն դատաւորէն: Ան ըսաւ, թէ Գրիգոր Նարեկացիի մէջ բանաստեղծութիւն  եւ արուեստ սերտօրէն իրարու շաղկապուած են: Այդ արուեստը բարդ է, ինչպէս Նարեկացիի հոգին:  «Նարեկը Գրիգորի հոգիին կատարեալ արտայայտութիւնն

 
 
Ամենապատիւ Հոգեւոր Տէրը ընդունեց Քանատայի դեսպանը

Ամենապատիւ Հոգեւոր Տէրը ընդունեց Հայոց ցեղասպանութեան 100 ամեակի մարմինը

Պաշտօնական բացումը Ծէսին նուիրուած Տարուան

Հանդիսաւոր փակում հաւատքի տարուան եւ հռչակում ծիսական տարուան

Աշակերտական հաւաք Հայ Կաթողիկէ Պատրիարքարանի Նահատակաց Յուշակոթողին շուրջ

Տօն Սրբոյ Կուսին Աւետման Եկեղեցւոյ Անուանակոչութեան

Գրիգոր Պետրոս Ի. Կաթողիկոս Պատրիարքին Դատապարտագիրը

Հայաստանի Հանրապետութեան Նորանշանակ Դեսպանը այցելեց Հայ Կաթողիկէ Պատրիարքարան

 
Armenian Catholic Synod 2013
Ամենապատիւ Հոգեւոր Տիրոջ Հովուապետական առաջին այցելութիւնը Սուրբ Խաչ  եկեղեցւոյ ժողովրդապետութիւն
Show All Photo Galleries
 

© 2018

       
News Photo Gallery    
Downloadable Books Newsletter    
Downloadable Publishings Blog    
Recomended Links FAQ    
Eparchies Contact Us    
Videos About Us