ARABIC | ARMENIAN | ENGLISH |
Mon 15 Feb 2016
Հայաստանի Հանրապետութեան Սփիւռքի նախարար Տիկին Հրանուշ Յակոբեան այցելեց Հայ Կաթողիկէ Պատրիարքարան



Հայաստանի Հանրապետութեան Սփիւռքի նախարար Տիկին Հրանուշ Յակոբեան երկուշաբթի, 15 փետրուար 2016, առաւօտեան ժամը 10-ին, այցելեց  Հայ կաթողիկէ Պատրիարքարան, ուր ընդունուեցաւ Ամենապատիւ եւ Գերերջանիկ Գրիգոր Պետրոս Ի. Տանն Կիլիկիոյ կաթողիկէ Հայոց Կաթողիկոս Պատրիարքին կողմէ։ Տիկին Յակոբեանին կ’ուղեկցէին Հայաստանի Հանրապետութեան դեսպան պր. Աշոտ Քոչարեան եւ հիւպատոս պր. Աշոտ Վարդանեան։  Հանդիպումին ներկայ գտնուեցան Լիբանանի թեմի օգնական եպիսկոպոս  արհի. Գէորգ Ասատուրեան, Զմմառու Վանքի մեծաւոր  եւ Միաբանութեան պատրիարքական փոխանորդ գերպծ. Գաբրիէլ թ.ծ.վ. Մուրատեան, արհիապատիւ, գերյարգելի, գերապատիւ հայրեր, նախկին նախարար Մէթր Ժագ Չուխատարեան եւ հայ կաթողիկէ յանձնաժողովներու անդամներ։

Շուրջ ժամ մը տեւած հանդիպումի ընթացքին տեղի ունեցած խօսակցութիւնը շօշափեց առաւելաբար Հայոց Ցեղասպանութեան 100-րդ տարելիցի աշխատանքներուն հաշուեկշիռը, որուն լոյսին տակ տիկին Յակոբեան մեծապէս գնահատեց  Հարիւրամեակի Լիբանանի կեդրոնական մարմնին եւ համայնքային կառոյցներուն աշխատանքը եւ շեշտեց զայն աւելի մեծ ու կազմակերպուած թափով շարունակելու անհրաժեշտութիւնը։ Կարեւորուեցաւ համահայկական հիմնահարցերուն շուրջ համահայկական խորհրդակցութիւն կատարելու անհրաժեշտութիւնը։ Շեշտուեցաւ յատկապէս հայկական պետութիւնը հզօրացնելու եւ Ղարաբաղի Հանրապետութեան միջազգային ճանաչման ու զօրացման ի խնդիր յարաճուն աշխատանք ծաւալելու հրամայականը։ Անդրադարձ եղաւ Հայաստանի զարգացման համար ներդրումներ կատարելու, արտագաղթը արգելակելու եւ հայրենի ժողովուրդը յուզող հրատապ խնդիրներու մասին։ Խօսուեցաւ նաեւ Ֆրանչիսկոս Սրբազան Քահանայապետի Հայաստան այցելութեան հնարաւորութեան մասին։

Հուսկ, դեսպան Քոչարեան յիշեցնելով որ ինք շուտով հրաժեշտ պիտի տայ Լիբանանին՝ իր պաշտօնաշրջանը աւարտին հասած ըլլալով, շնորհակալութիւն յայտնեց  ընդհանրապէս լիբանանահայ գաղութին եւ յատկապէս հայ կաթողիկէ համայնքին կողմէ իրեն հանդէպ ցուցաբերուած ջերմ վերաբերումին համար։ Ամենապատիւ Հոգեւոր Տէրը գնահատանքով արտայայտուեցաւ դեսպանի վեցամեայ ծառայութեան մասին Լիբանանի մէջ եւ յաջողութիւն մաղթեց անոր հետագայ առաքելութեան։


 
 
Ամենապատիւ Հոգեւոր Տէրը ընդունեց Քանատայի դեսպանը

Ամենապատիւ Հոգեւոր Տէրը ընդունեց Հայոց ցեղասպանութեան 100 ամեակի մարմինը

Պաշտօնական բացումը Ծէսին նուիրուած Տարուան

Հանդիսաւոր փակում հաւատքի տարուան եւ հռչակում ծիսական տարուան

Աշակերտական հաւաք Հայ Կաթողիկէ Պատրիարքարանի Նահատակաց Յուշակոթողին շուրջ

Տօն Սրբոյ Կուսին Աւետման Եկեղեցւոյ Անուանակոչութեան

Գրիգոր Պետրոս Ի. Կաթողիկոս Պատրիարքին Դատապարտագիրը

Հայաստանի Հանրապետութեան Նորանշանակ Դեսպանը այցելեց Հայ Կաթողիկէ Պատրիարքարան

 
Armenian Catholic Synod 2013
Ամենապատիւ Հոգեւոր Տիրոջ Հովուապետական առաջին այցելութիւնը Սուրբ Խաչ  եկեղեցւոյ ժողովրդապետութիւն
Show All Photo Galleries
 

© 2018

       
News Photo Gallery    
Downloadable Books Newsletter    
Downloadable Publishings Blog    
Recomended Links FAQ    
Eparchies Contact Us    
Videos About Us