ARABIC | ARMENIAN | ENGLISH |
Sat 06 Feb 2016
Տօնահանդէս Սրբոց Վարդանանց


Տօնահանդէս Սրբոց Վարդանանց

Հայ կաթողիկէ Սուրբ Փրկիչ Եկեղեցւոյ ժողովրդապետութեան կողմէ կազմակերպուած աւանդական  Վարդանանց տօնահանդէսը տեղի ունեցաւ 3 փետրուար 2016, չորեքշաբթի երեկոյեան ժամը 8-ին,  «Յովհաննէս Պօղոսեան» թատերասրահին մէջ,  հովանաւորութեամբ Պէյրութի Պատրիարքական Թեմի օգնական եպիսկոպոս արհիապատիւ Հայր Գէորգ Ասատուրեանին։ Այս տօնահանդէսին ընդմէջէն Վարդանանց սրբազան Կտակին իրենց հաւատարմութիւնը արտայայտելու եկած հայորդիներով լեցուն սրահին առաջին շարքերուն վրայ ներկայ էին մասնաւորաբար արհիապատիւ, գերյարգելի, գերապատիւ եւ արժանապատիւ հայրեր, առաքինազարդ քոյրեր, կրթական մարզի եւ միութիւններու ներկայացուցիչներ։

«Բլբուլ» մանկապատանեկան երգչախումբին կողմէ՝ Լիբանանի եւ Հայաստանի օրհներգներու կատարումէն ետք, հանդիսութեան բացման խօսքը արտասանեց տիկին Մարալ Հարպոյեան։ Մեկնելով  օրուան «Չփախչիլ Աւարայրէն» կարգախօսէն,  հաղորդավարուհին Վարդանանց  յիշատակի ամենամեայ ոգեկոչումին մէջ տեսաւ վկայութիւնը հայ ժողովուրդին հաւատարմութեան՝ Վարդանանց Ուխտին։

Տօնահանդէսին պատգամախօսն էր Սուրբ Փրկիչ Եկեղեցւոյ փոխ ժողովրդապետ հայր Խաչիկ վրդR28; Գույումճեան, որ հայ նորահաս սերունդներուն հետ երկխօսութեամբ մը ցոյց տուաւ Աւարարայրի դաշտին վրայ Վարդանի եւ իրեն զինակից ազատամարտիկներուն՝ վասն կրօնի եւ հայրենեաց նահատակութեամբ փոխանցուած պատգամը, որ կը շարունակէ հնչել աւելի քան 15 դարերէ ի վեր։

Օրուան խորհուրդը արտայայտող գեղարուեստական յայտագրին իրենց մասնակցութիւնը բերին «Բլբուլ» մանկապատանեկան եւ Արծիւեան երգչախումբերը,  Մանուէլ Քէշիշեանի  խմբավարութեամբ կատարելով  «Իբրեւ Արծիւ», «Բամբ Որոտան», «Հիմի էլ լռենք» երգերը եւ Վարդանաշունչ երգաշար մը։  Ներկայացուեցաւ նաեւ Հայ Կաթողիկէ Երիտասարդութեան կողմէ իրագործուած Սուրբ Ծննդեան Բարեսիրական Ծրագրին տեսաերիզը՝ պատրաստութեամբ Արամ Գարատաղլեանին։

Տօնահանդէսին փակումը կատարելով՝ արհիապատիւ Հայր Գէորգ եպիսկR28; Ասատուրեան ըսաւ որ Վարդանանք իրենց նահատակութեամբ վկայեցին թէ «մահ իմացեալ անմահութիւն է», որովհետեւ անոնք իրենց մահուամբ յաւերժագիր տուին Հայ ժողովուրդին, մեզի տուին իրաւունքը յաւերժ գոյատեւելու մեր Լուսաւորչեան Հաւատքով եւ ազգային արժէքներով։ Հուսկ, գերապայծառ Հայրը կոչ ըրաւ նորահաս սերունդին հաւատարիմ մնալու ազգային ու կրօնական այդ արժէքներուն զորս ժառանգ ստացած ենք մեր բոլոր ժամանակներու նահատակներէն եւ որոնք կը կազմեն մեր ինքնութեան յատկանիշերը։

4 Փետրուար 2016, չորեքշաբթի առաւօտեան, «Սուրբ Փրկիչ» եկեղեցւոյ փոխ ժողովրդապետ հայր Ղազար վրդR28; Պետրոսեան Վարդանանց յիշատակի ոգեկոչման հանդիսաւոր Սուրբ Պատարագ մատուցանեց եւ քարոզեց «Սուրբ Փրկիչ» Եկեղեցւոյ մէջ։   


 
 
Ամենապատիւ Հոգեւոր Տէրը ընդունեց Քանատայի դեսպանը

Ամենապատիւ Հոգեւոր Տէրը ընդունեց Հայոց ցեղասպանութեան 100 ամեակի մարմինը

Պաշտօնական բացումը Ծէսին նուիրուած Տարուան

Հանդիսաւոր փակում հաւատքի տարուան եւ հռչակում ծիսական տարուան

Աշակերտական հաւաք Հայ Կաթողիկէ Պատրիարքարանի Նահատակաց Յուշակոթողին շուրջ

Տօն Սրբոյ Կուսին Աւետման Եկեղեցւոյ Անուանակոչութեան

Գրիգոր Պետրոս Ի. Կաթողիկոս Պատրիարքին Դատապարտագիրը

Հայաստանի Հանրապետութեան Նորանշանակ Դեսպանը այցելեց Հայ Կաթողիկէ Պատրիարքարան

 
Armenian Catholic Synod 2013
Ամենապատիւ Հոգեւոր Տիրոջ Հովուապետական առաջին այցելութիւնը Սուրբ Խաչ  եկեղեցւոյ ժողովրդապետութիւն
Show All Photo Galleries
 

© 2018

       
News Photo Gallery    
Downloadable Books Newsletter    
Downloadable Publishings Blog    
Recomended Links FAQ    
Eparchies Contact Us    
Videos About Us