ARABIC | ARMENIAN | ENGLISH |
Sat 06 Feb 2016
Սրբոց Վարդանանց հանդիսաւոր սուրբ Պատարագ "Սրբոյ Կուսին Աւետման" եկեղեցւոյ մէջ


Սրբոց Վարդանանց հանդիսաւոր սուրբ Պատարագ Սրբոյ Կուսին Աւետման եկեղեցւոյ մէջ

 Սրբոյ Կուսին Աւետման ժողովրդապետութեան ընտանիքը՝ 4 փետրուար 2016, հինգշաբթի երեկոյեան ժամը 7-ին, Սրբոց Վարդանանց յիշատակը ոգեկոչեց  հանդիսաւոր սուրբ եւ անմահ Պատարագով զոր մատուցանեց  Եկեղեցւոյ ժողովրդապետը՝ հայր Վարդան վրդ. Գազանճեան, մասնակցութեամբ  արհիապատիւ Հայրեր՝ Գէորգ արքեպիսկոպոս Խազումեանի եւ Մանուէլ եպիսկոպոս Պաթագեանի։

Յընթացս սուրբ Պատարագին արտասանած քարոզին մէջ, պատարագիչ ժողովրդապետ հայրը անդրադարձաւ մասնաւորաբար այն առաքինութիւններուն զորս Վարդան եւ իր զինակիցները, ինչպէս նաեւ Ղեւոնդ Երէց եւ անոր եղբայրակից հայրերը ցուցաբերեցին Աւարայրի հերոսամարտին առիթով։ Այդ առաքինութիւններէն գլխաւորները եղան հաւատարմութիւնը իրենց Հաւատքին, ապա տոկալու, փորձութիւններուն դիմադրելու եւ համբերելու  յատկանիշերը։ Քարոզիչ վարդապետը կոչ ըրաւ եկեղեցին լեցնող հաւատացեալներուն իբրեւ Վարդանանց ժառանգորդներ ցուցաբերելու միեւնոյն առաքինութիւնները, ինքզինք առաւել եւս յանձնառու նկատելով այդ առաքինութիւններուն՝ նկատելով որ կը կրէ Վարդան անունը։ Պատարագի աւարտին, հայր Վարդան  շնորհակալութիւն յայտնեց  գերապայծառ հայրերուն եւ ներկայ գերապատիւ վարդապետներուն, եւ  հաւատացեալներուն որոնք եկած էին միանալու Վարդանանց նուիրուած սուրբ Պատարագին։

Յաւարտ սուրբ Պատարագին, Պատրիարքարանի հիւրասրահին մէջ տեղի ունեցած ընդունելութեան մը ընթացքին,  ներկաները առիթը ունեցան շնորհաւորելու հայր Վարդանը իր անուանակոչութեան առիթով եւ անոր ներկայացնելու իրենց բարեմաղթանքները։ 


 
 
Ամենապատիւ Հոգեւոր Տէրը ընդունեց Քանատայի դեսպանը

Ամենապատիւ Հոգեւոր Տէրը ընդունեց Հայոց ցեղասպանութեան 100 ամեակի մարմինը

Պաշտօնական բացումը Ծէսին նուիրուած Տարուան

Հանդիսաւոր փակում հաւատքի տարուան եւ հռչակում ծիսական տարուան

Աշակերտական հաւաք Հայ Կաթողիկէ Պատրիարքարանի Նահատակաց Յուշակոթողին շուրջ

Տօն Սրբոյ Կուսին Աւետման Եկեղեցւոյ Անուանակոչութեան

Գրիգոր Պետրոս Ի. Կաթողիկոս Պատրիարքին Դատապարտագիրը

Հայաստանի Հանրապետութեան Նորանշանակ Դեսպանը այցելեց Հայ Կաթողիկէ Պատրիարքարան

 
Armenian Catholic Synod 2013
Ամենապատիւ Հոգեւոր Տիրոջ Հովուապետական առաջին այցելութիւնը Սուրբ Խաչ  եկեղեցւոյ ժողովրդապետութիւն
Show All Photo Galleries
 

© 2018

       
News Photo Gallery    
Downloadable Books Newsletter    
Downloadable Publishings Blog    
Recomended Links FAQ    
Eparchies Contact Us    
Videos About Us