ARABIC | ARMENIAN | ENGLISH |
Tue 02 Dec 2014
Մեծարանքի Երեկոյ Հայ Կաթողիկէ Քոյրեր Լորենցիա Գապաքեանի Եւ Թէոպիստէ -Մարի Պետրոսեանի


Մեծարանքի Երեկոյ Հայ Կաթողիկէ Քոյրեր Լորենցիա Գապաքեանի Եւ Թէոպիստէ -Մարի Պետրոսեանի

 Կիրակի, 30 նոյեմբեր 2014-ի կէսօրէ ետք ժամը 5:00-ին, Այնճարի «Ս. Զէյթլեան» ժողովրդային Տան «Մովսէս Տէր Գալուստեան» սրահին մէջ տեղի ունեցաւ քոյր Լորենցիա Գապաքեանի եւ քոյր Թէոպիստէ-Մարի Պետրոսեանի մեծարանքի երեկոյ` իրենց երկարամեայ ծառայութեան առիթով: Լիբանանեան եւ հայաստանեան քայլերգներու ունկնդրութենէն ետք, յանուն ՀՅԴ «Կարմիր Լեռ» կոմիտէի դաստիարակչական-քարոզչական յանձնախումբին, ձեռնարկին բացումը կատարեց Եսայի Հաւաթեան: Ան անդրադարձաւ քոյրերուն  երկարամեայ ծառայութեան կրթական, եկեղեցական եւ ազգային ծիրին մէջ: Ան յայտնեց, որ քոյրերը իրենց կեանքը նուիրած են հայ եկեղեցւոյ եւ հայ ժողովուրդին` ճիգ չխնայելով նոր սերունդի դաստիարակութեան համար: Ան յայտնեց, որ ՀՅԴ-ն հայ ժողովուրդին, ծառայող կուսակցութիւնն է եւ երբեք զարմանալի չէ, որ ան կ՛ուզէ մեծարել ազգին եւ եկեղեցիին ծառայած հայ քոյրերը: Բացման խօսքէն ետք Վահան Թէքէեանի «Հաշուեյարդար» ասմունքով հանդէս եկաւ  Արփա Սնապեան Անտոնեան:Այնուհետեւ Լալիկ Խօշեան եւ Անժել Քէշիշեան ներկայացուցին քոյրերուն երկարամեայ կեանքին տարբեր հանգրուանները` անդրադառնալով անոնց ծառայութիւններուն` մասնաւորապէս հայ եկեղեցական եւ ազգային կեանքին մէջ:Ապա Լալէ Անտոնեան սրինգի վրայ ներկայացուց Պախէն կտոր  մը: Օրուան պատգամախօս, Այնճարի հայ կաթողիկէ համայնքի ժողովրդապետ հայր Մեսրոպ վրդ. Թոփալեան ըսաւ, թէ ինք երկու քոյրերուն խոնարհութեան արարքը կը սահմանէ չորս բառերով` աղօթք, նուիրում, աշխատանք եւ հաւատարմութիւն, իմացութիւններ, որոնք քոյրերը սորվեցան եւ իւրացուցին իրենց հայանուէր միաբանութեան մէջ` զանոնք բծախնդրօրէն ապրելու եւ անձնուիրաբար կիրարկելու իրենց կեանքով ու գործունէութեամբ հայ ազգին փոքր ածուին մէջ, այս փառապանծ ժողովուրդին աշխարհասփիւռ զաւակներուն համար: Ան անդրադարձ կատարեց Հայ կաթողիկէ քոյրերու միաբանութեան կատարած ազգանուէր գործին` բարձր գնահատելով երկու մուսալեռցի քոյրերուն ունեցած ներդրումը եկեղեցական եւ կրթական կեանքին մէջ յաջորդաբար 60 եւ 70 տարիներու ընթացքին: Անոնք ամբողջութեամբ նուիրուած են հայ եկեղեցւոյ եւ մատղաշ սերունդի կրթութեան աստուածահաճոյ գործին: Վարդապետը շնորհակալութիւն յայտնեց ՀՅԴ «Կարմիր Լեռ» կոմիտէի դաստիարակչական յանձնախումբին մեծարանքի այս ձեռնարկը կազմակերպելու համար: Ան Շնորհաւորելով մեծարեալ քոյրերը, ան մաղթեց իրենց արեւշատութիւն եւ յարատեւութիւն: Օրուան պատգամէն ետք Լալէ Անտոնեան սրինգով ներկայացուց Արամ Խաչատուրեանէն կտոր մը: Հայր Ալիշան Աբարդեան ընթերցեց քոյրերու մեծարանքի ձեռնարկին առիթով հայ կաթողիկէ համայնքի Ներսէս Պետրոս ԺԹ. կաթողիկոս պատրիարքին կողմէ ուղարկուած կոնդակները, որոնք բարձր կը գնահատէին քոյրերուն երկարամեայ ծառայութիւնը: Այնճարի ՀՅԴ «Կարմիր Լեռ» կոմիտէին անունով Լալիկ Խօշեան եւ Ռիթա Լագիսեան քոյրերը պատուեցին Մուսա լերան յուշարձանի պատուոյ  շքանշանով: Ձեռնարկի աւարտին քոյր Թէոպիստէ-Մարի Պետրոսեան շնորհակալական խօսք ուղղեց այն բոլոր անձերուն եւ միութիւններուն, որոնք աշխատանք տարած էին կազմակերպելու սոյն ձեռնարկը եւ նաեւ բոլոր անոնց, որոնք ներկայ կը գտնուէին մեծարանքի երեկոյին: Ան յիշելով իր կոչումը եւ ծառայութեան տարիները` ըսաւ, թէ ինք շատ ուրախ կը զգայ ծառայած ըլլալուն համար Աստուծոյ, ազգին եւ հայրենիքին: Ձեռնարկի աւարտին  տեղի ունեցաւ կարկանդակի հատում, որմէ ետք բոլոր ներկաները հրաւիրուեցան հիւրասիրութեան` կազմակերպութեամբ Այնճարի Հայ կաթողիկէ տիկնանց միութեան:

 

 
 
Ամենապատիւ Հոգեւոր Տէրը ընդունեց Քանատայի դեսպանը

Ամենապատիւ Հոգեւոր Տէրը ընդունեց Հայոց ցեղասպանութեան 100 ամեակի մարմինը

Պաշտօնական բացումը Ծէսին նուիրուած Տարուան

Հանդիսաւոր փակում հաւատքի տարուան եւ հռչակում ծիսական տարուան

Աշակերտական հաւաք Հայ Կաթողիկէ Պատրիարքարանի Նահատակաց Յուշակոթողին շուրջ

Տօն Սրբոյ Կուսին Աւետման Եկեղեցւոյ Անուանակոչութեան

Գրիգոր Պետրոս Ի. Կաթողիկոս Պատրիարքին Դատապարտագիրը

Հայաստանի Հանրապետութեան Նորանշանակ Դեսպանը այցելեց Հայ Կաթողիկէ Պատրիարքարան

 
Armenian Catholic Synod 2013
Ամենապատիւ Հոգեւոր Տիրոջ Հովուապետական առաջին այցելութիւնը Սուրբ Խաչ  եկեղեցւոյ ժողովրդապետութիւն
Show All Photo Galleries
 

© 2018

       
News Photo Gallery    
Downloadable Books Newsletter    
Downloadable Publishings Blog    
Recomended Links FAQ    
Eparchies Contact Us    
Videos About Us