ARABIC | ARMENIAN | ENGLISH |
Fri 15 Nov 2013
Հոգեւոր Տէրը ընդունեց Արեւմտահայոց Ազգային Համագումարի պատուիրակութիւնը


Հոգեւոր Տէրը ընդունեց Արեւմտահայոց Ազգային Համագումարի պատուիրակութիւնը

Պէյրութ

Երեքշաբթի, 13 Նոյեմբերի 2013ին, Տանն Կիլիկիոյ Կաթողիկէ Հայոց Ամենապատիւ Տէր Ներսէս Պետրոս ԺԹ. Կաթողիկոս Պատրիարքը Էշրեֆիէի պատրիարքական իր նստավայրին մէջ ընդունեց Արեւմտահայոց Ազգային Համագումարի պատուիրակութիւնը, գլխաւորութեամբ Հայաստանի Հանրապետութեան Ազգային ժողովի պատգամաւոր պարոն Արագած Ախոյեանի: 

Պարոն Ախոյեան Հոգեւոր տիրոջ ներկայացուց Թուրքիոյ կողմէ գործադրուած Հայկական ցեղասպանութեան զոհերու ժառանգներու իրաւունքներուն վերականգման, ցեղասպանութեան հետեւանքով Արեւմտահայերու կրած կորուստներու հատուցման եւ Թուրքիոյ մէջ հայկական համայնքներու հետ յարաբերութիւններու ուղղութեամբ իրականացուած աշխատանքներն ու յառաջիկային կատարուելիք գործողութիւններու ծրագիրը: Մասնաւորաբար ան Հոգեւոր տէրը իրազեկեց նշեալ աշխատանքներու հետապնդման համար Համագումարի ընդհանուր ժողովէն բխած միջազգային իրաւաբանական խմբակի գործունէութեան , ինչպէս նաեւ Թուրքիոյ քաղաքացիական հասարակութեան, մտաւորականութեան եւ հաղորդակցութեան միջոցներուն մօտ հայկական իրաւունքներու լուսաբանման ուղղութեամբ կատարուած աշխատանքներուն մասին: Անդրադարձ կատարուեցաւ նաեւ Թուրքիոյ տարբեր շրջաններուն մէջ ապրող իսլամացուած եւ թաքուն հայերու հիմնախնդրին:

Հոգեւոր տէրը գնահատեց Համագումարի պատուիրակները՝ հայկական ընդհանրական շահերու պաշտպանութեան համար կատարուող գործունէութեան համար եւ խրախուսեց առաւել սերտացնել յարաբերութիւնները Թուրքիոյ մէջ իրենց ազգային ու հոգեւոր ինքնութեան վերականգման ձգտող հայկական ծագումով մարդոց շրջանակներուն հետ:

Յայտնենք, որ Արեւմտահայոց Ազգային Համագումարը ֆրանսական օրէնքին առջեւ արձանագրուած ոչ-քաղաքական կազմակերպութիւն է: Անոր՝ որպէս ՄԱԿ-ի մօտ դիտորդի կարգավիճակով  կազմակերպութիւն արձանագրուելու վերաբերեալ քուէարկութիւնը տեղի պիտի ունենայ  ընթացիկ տարուայ Դեկտեմբերին, Նիւ Եորքի մէջ:

 
 
Ամենապատիւ Հոգեւոր Տէրը ընդունեց Քանատայի դեսպանը

Ամենապատիւ Հոգեւոր Տէրը ընդունեց Հայոց ցեղասպանութեան 100 ամեակի մարմինը

Պաշտօնական բացումը Ծէսին նուիրուած Տարուան

Հանդիսաւոր փակում հաւատքի տարուան եւ հռչակում ծիսական տարուան

Աշակերտական հաւաք Հայ Կաթողիկէ Պատրիարքարանի Նահատակաց Յուշակոթողին շուրջ

Տօն Սրբոյ Կուսին Աւետման Եկեղեցւոյ Անուանակոչութեան

Գրիգոր Պետրոս Ի. Կաթողիկոս Պատրիարքին Դատապարտագիրը

Հայաստանի Հանրապետութեան Նորանշանակ Դեսպանը այցելեց Հայ Կաթողիկէ Պատրիարքարան

 
Armenian Catholic Synod 2013
Ամենապատիւ Հոգեւոր Տիրոջ Հովուապետական առաջին այցելութիւնը Սուրբ Խաչ  եկեղեցւոյ ժողովրդապետութիւն
Show All Photo Galleries
 

© 2018

       
News Photo Gallery    
Downloadable Books Newsletter    
Downloadable Publishings Blog    
Recomended Links FAQ    
Eparchies Contact Us    
Videos About Us